Kunveno pri Esperanto kaj Shitai de Anhui-provinco
En la 19a de majo en Shitai-gubernia biblioteko, Anhui-provinco okazis kunveno pri Esperanto kaj Shitai paralele de laborkunsido de la Anhui-a Esperanto-Asocio.
Pli ol 40 homoj partoprenis en la kunsido, inkluzive de s-ro Tu Bihong, vicestro de Shitai-a Buroo pri Kulturo, Radio, Televido, Filmo, Gazetaro kaj Eldono.
S-ino Su Juanjuan, direktoro de la Shitai-a biblioteko, prelegis pri Esperanto kaj Shitai. Shitai estas la hejmloko de s-ro Su Amang, konata esperantista poeto de Ĉinio. La loka registaro donis grandan honoron al Su Amang.
S-ro Ling Bo, prezidanto de la asocio, konigis al la aŭskultantoj kiel lerni kaj apliki Esperanton.
S-ro Liu Baoguo, asistanta ĝenerala sekretario de la asocio, prezentis anekdotojn pri Esperanto kaj la loka Tianfang-a Te-Kompanio.
S-ro Li Guoxuan, vicprezidanto de la asocio, prezidis la laborkunsidon. 18 esperantistoj el diversaj lokoj de Anhui-provinco partoprenis en la diskuto pri la planoj de Esperanto-aranĝoj. Ankaŭ tri esperantistinoj el Ŝanhajo kaj provincoj Jiangsu kaj Guangdong partoprenis en la laborkunsido.
En la sekvanta tago oni ekskursis al proksimaj vidindejoj.
Shitai situas en suda Anhui-provinco. Shitai akiris famon pro teo abunda je seleno kaj belaj pejzaĝoj.
(Liu Baoguo kaj Wang Yunfang)
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
