Esperanta artotrupo de Xinxiang faris sian unuafojan prezentadon

    En la periodo de la ferioj por la Internacia Tago de Laboro, sur la pilkoludejo de la loka kompanio Xinxiang-a Aviada Industria Grupo okazis la unuafoja prezentado de Esperanta artotrupo por alvoki al la socio alte taksi la gloron kaj belecon de laborado. La kompanio sin trovas en la urbo Xinxiang, Henan-provinco, centra Ĉinio. La du prezidantoj respektive uzis la ĉinan lingvon kaj Esperanton. Jia Rongxia, ĝenerala sekretario de la Xinxiang-a Esperanto-Asocio anoncis la programerojn Esperante, kaj disdonis materialojn pri la lingvo al la spektantoj. La prezentado ne nur fariĝis okazo por danki al laborantoj, sed ankaŭ bona ŝanco por diskonigi Esperanton.