Romantika vivo de ĉinaj kaj belorusaj gejunuloj
Nun la interŝanĝo inter Ĉinio kaj Belorusio plioftiĝas. Sekve de tio en Minsko, ĉefurbo de Belorusio, videblas pli kaj pli multaj ĉinoj. Kelkaj el ili edziĝis kun lokaj junulinoj kaj ĝuas romantikan vivon.
Ĉina junulo Liu Guibin el la urbo Huichun de Jilin-provinco kaj belorusa junulino Naska estis samklasanoj de la Minska Ekonomia Universitato. Laŭ aranĝo de sia instruisto Naska helpis Liu, kiu havis malfacilon en lernado. Dum kontaktado Liu ekamis la belan kaj optimisman Naska kaj ŝi ankaŭ estis kortuŝita de la sincereco kaj bonkoreco de Liu. Ŝi babilis kun ĉinaj studentoj en la universitato por peti iliajn taksojn pri Liu. Tiel ŝi havis pli profundan konon pri Liu kaj finfine decidis edziniĝi al li.
Nun ili kunvivas jam de kvar jaroj kaj estas neapartigeblaj kunuloj kaj en vivo kaj en laboro.
Liu Zheyuan estas filo de ĉina pentristo kaj ekstudis en Belorusio post diplomiĝo el supermezlernejo. En 2012, okaze de la 20-a datreveno de la stariĝo de diplomatiaj rilatoj inter Ĉinio kaj Belorusio, Liu, kiu estas en la kvarajara lernado en Belorusa Nacia Instituto de Artoj, okazigis en Minsko ekspozicion de pentraĵoj verkitaj de sia patro. La ekspozicion vizitis ankaŭ belorusa junulino Cristina. Liu konigis al ŝi la eksponaĵojn en la rusa lingvo kaj tiel ili interkonatiĝis.
Poste iliaj interrilatoj evoluis de geamikoj al geamatoj kaj geedzoj. Nun ili havas sian amfrukton Liujia Baohua.
En iu vintra vespero antaŭ 5 jaroj, Huang Shaoheng, kiu faras doktorecan studadon pri monda historio de kulturo kaj arto en la Belorusa Nacia Universitato de Kulturo kaj Arto, spektis prezentadon en Filharmoni-koncertejo. Iu belorusa junulino, kiu estis sidanta apud li, scivoleme demandis: "Ĉu ankaŭ vi ŝatas kantojn kaj dancojn de nia lando?" Jen komenco de ilia feliĉa geedzeco. Tiu junulino nomiĝas Natasa kaj servas kiel akordionisto de la koncertejo.
Huang donis al Natasa bonan impreson pro sia erudicio, do ŝi invitis lin al sia koncerto. Poste Natasa komencis private ludi por Huang. Kiam ŝi ludas, dancas du infanoj -- iliaj unujara filo Alexander kaj dujara filino Anna.
Redaktoro: Niu Xueqin
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
