Gravaj punktoj en la projekto de ĝeneralaj reguloj de civila kodo
Ĝeneralaj reguloj de civila kodo estas "eta konstitucio" en civila juro. La kvara projekto de ĝeneralaj reguloj de civila kodo estis submetita al la Kvina Sesio de la 12a TPK de Ĉinio por ekzamenado en la 8a de marto. Kiujn gravajn punktojn ĝi enhavas?
Protekto de agoj helpantaj aliajn por justa afero
Laŭ la artikolo 187 en la projekto, tiu, kiu memvole donas helpon de urĝa savo en kriza okazo kaj tiel kaŭzis sanproblemon al la savito, ne prenas sur sin la civilan respondecon. Tio estas leĝa protekto al memvola helpo ktp.
Aldono de verda principo
La aldono povas daŭrigi la tradician ĉinan penson pri harmonia kunekzisto de homoj kaj la naturo, reflektas novan disvolvan ideon de post la 18a Tutlanda Kongreso de KPĈ, kaj konformas al la naciaj kondiĉoj, ke Ĉinio estas lando kun granda populacio kaj bezonas bone trakti la konflikton inter homoj kaj naturaj resursoj dum longa periodo.
Protekto de individuaj informoj
La projekto aldonis la preskribon, ke ajna organizo aŭ individuo devas certigi la sekurecon de individuaj informoj laŭleĝe akiritaj, kaj tio povas distingi laŭleĝan uzon de la kontraŭleĝa kaj substrekas la observadon de la principo de racia kaj sekura uzo.
Protekto de virtuala proprieto
Enskribi donitaĵan kaj retan virtualan proprieton en la kodon konformas al la efektiva bezono de ekonomio kaj popola vivo, kaj metas bazon por plua protekto al diverseco de virtuala proprieto en civila kodo.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
