Ĉinaj elementoj en brazila karnavalo

    La 25-an de februaro en la karnavalo en Recifo, urbo en nordorienta Brazilo, aperis sloganŝildoj kun la vortoj "2017 estas la ĉina jaro de koko" inter la paradanta homamaso. Matene de la 25-a, homoj vestitaj en buntaj kostumoj kolektiĝis en la urbocentro de Recifo, por partopreni la paradon organizitan de la klubo "Koko ĉe la Tagiĝo". La klubo speciale preparis festajn veturilojn en la formo de ĉina drako por omaĝi al la ĉina jaro de koko.