Inaŭgurita pasaĝerŝipa itinero laŭlonge de la ĉina maro
La 24an de februaro en la Internacia Pasaĝerŝipa Haveno de Tianjin okazis ceremonio de la nova pasaĝerŝipa itinero laŭlonge de la ĉina maro. La ŝipo Lirica el la Mediteranea Pasaĝerŝipa Kompanio kun preskaŭ 1 500 pasaĝeroj veturis el Tianjin por 16-taga vojaĝo. La tuta itinero kuras tra Bohai-Maro, la Flava Maro, la Orienta Ĉina Maro kaj la Suda Ĉina Maro, kunligante kvar havenojn en Tianjin, Zhoushan, Xiamen kaj Hongkongo.
Kiel la ununura pasaĝerŝipa haveno en liberkomerca zono en Ĉinio, la Internacia Pasaĝerŝipa Haveno de Tianjin ekfunkciis en junio 2010, kaj servis ĉefe al la regiono de Pekino, Tianjin kaj Hebei, tri provincoj en nordorienta Ĉinio, kvin provincoj kaj municipoj en norda Ĉinio, kvin provincoj kaj aŭtonomaj regionoj en nordokcidenta Ĉinio. En 2017, la Norvega Pasaĝerŝipa Kompanio, kiu unuafoje eniris Ĉinion, prenos Tianjin kiel sian hejmhavenon, post la Internacia Reĝa Kariba Pasaĝerŝipa Kompanio, Pasaĝerŝipa Kompanio Kosta kaj Mediteranea Pasaĝerŝipa Kompanio.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
