Ĉinio evoluigis sun-energian senpilotan aviadilon kun aliro al vifio

    Lastatempe okazis la 18-a jarkunveno de la Ĉina Asocio de Scienco kaj Teknologio, en kiu oni anoncis la rezulton de la Nacia Konkurso pri Novkreado kaj Entreprenado inter Scienc-teknikaj Laborantoj. La unua premio de la konkurso estis aljuĝita al Zhou Zhou, profesoro de la Nordokcidenta Politeknika Universitato, kaj lia teamo pro la evoluigo de sun-energia senpilota aviadilo kun aliro al vifio. Kiam ĝi estos praktike utiligata, ĝi povos anstataŭi baz-stacion sur la tero kaj servos kiel "kuriero en la ĉielo" La eblo aliri al vifio faciligos komunikadon en dezerto, kaj serĉadon kaj savadon en regiono trafita de katastrofo.