La ĉina teamo "Youbao" partoprenis en la Jakto-konkurso Sidnejo-Hobarto por 2016

 

    En la 26-a de decembro komenciĝis en Sidnejo la 72-a Jakto-konkurso de Sidnejo al Hobarto. La konkurso plej malfacila kaj plej defia en la mondo altiris pli ol cent jakto-teamojn al la suda hemisfero. Por partopreni en tiu ĉi malfacila sed klasika konkurso sur la maro, maristoj eĉ rezignis siajn feriojn de Kristnasko. La apartaĵo de la ĉina teamo ĉi-jare estas la kunlaboro de la du teamoj "Youbao" kaj "Dongfeng", kiuj kune faris ekzercadon kaj kune partoprenis en la konkurso.

    La konkurso Sidnejo-Hobarto jam estis okazigita 71 fojojn kiel unu el la tri plej klasikaj konkursoj de velŝipoj en la mondo kune kun la Konkurso Fastnet kaj la Konkurso Newport-Bermuda. Egale fama kiel la Aŭstralia Malferma Tenisa Ĉampioneco-konkurso kaj la Ĉeval-konkurso de la Melburna Pokalo, la jakto-konkurso estas unu el la konkursoj plej multe atentataj de aŭstralianoj.

Redaktoro: Gao Shuyuan

Ipernity: El Popola Chinio

Facebook: EPC El Popola Chinio

Twitter: El Popola Chinio

WeChat: Skani la du-dimensian kodon por legi EPĈ en WeChat