Transmaraj ĉinoj donacas monon por renovigi ĉinan parkon en Ĉilio

    Laŭraporte, okaze de la Printempa Festo de Ĉinio en 2017 la ĉina parko lokita en Santiago de Ĉilio eventuale povos esti denove malfermita al la publiko. La ĉina parko estis konstruita en 1962 kaj situas en la sudorienta angulo de la Nacia Parko Bernardo O'Higgins, Santiago de Ĉilio. Pro kadukiĝo, la parko estis serioze difektita kaj ne estis malfermita al la publiko dum longa tempo.

    Dum la lastaj jaroj multfoje ripetiĝis konsultiĝoj kun la urba registaro de Santiago de Ĉilio, kaj fine estas decidite, ke la Ĉilia-Ĉina Kultura Asocio kaj la Asocio de Ĉinaj Entreprenistoj en Ĉilio kune respondecos pri la administrado kaj bontenado de la parko kunlabore kun la urba administracio. Oni krome strebos por ĝia oficiala malfermiĝo okaze de la Printempa Festo de Ĉinio en 2017.