Finkonstruita la permanenta ejo de la Monda Interreta Konferenco

 

    De la 16-a ĝis la 18-a de novembro okazos la 3-a Monda Interreta Konferenco en Wuzhen de la urbo Tongxiang en la provinco Zhejiang, sudorienta Ĉinio. Laŭinforme, estis finkonstruita la Interreta Internacia Ekspozicio-Centro en Wuzhen, kiel la permanenta ejo de la Monda Interreta Konferenco. Jam estis alĝustigitaj ĝiaj instalaĵoj kaj ekipaĵoj, inkl. de lumo de lampoj, reto kaj tiel plu. La malfermon de la 3-a Monda Interreta Konferenco, kiu okazos post kelkaj tagoj, atendas la centro kun la konstrua areo de 81 mil kvadrataj metroj kaj 3 funkciaj zonoj, t.e. Kunveno-Centro, Akcepto-Centro kaj Ekspozicio-Centro. La ĉefdezajnisto de la centro estas sinjoro Wang Shu, profesoro de Ĉina Arto-Akademio kaj gajninto de la premio "Pritzker pri arkitekturo".