La ĉina registaro por la unua fojo okazigis promocion de filmoj kaj televidaj programeroj en la Internacia Foiro de Televidaj Programeroj
La 17-an de oktobro en Kanno, marborda urbo en suda Francio, inaŭguriĝis la Internacia Foiro de Televidaj Programeroj. En la tiutage organizita promocio de ĉina videoenhavo "Spertu Ĉinion", pli ol 10 ĉinaj kompanioj montris preskaŭ 20 brilajn filmojn kaj televidajn programerojn por serĉi ŝancojn de internacia elsendo, kaj ricevis atenton de samfakuloj ĉinaj kaj alilandaj.
La foiro okazas dufoje jare, en printempo kaj en aŭtuno, kaj estas la plej grandskala internacia foiro de aŭdovidaj produktoj kaj ciferecaj enhavoj en la mondo. La ĉi-foja aŭtuna aranĝo altiris ĉirkaŭ 14 000 personojn el la koncernaj industrioj de 108 landoj kaj regionoj. Tio estas la unua oficiala promocio de filmoj kaj televidaj verkoj fare de Ĉinio en tiu ĉi aranĝo.
Redaktoro: Kang Caiqi
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
