Ĉinio lanĉis pilotatan kosmoŝipon Shenzhou-11

    Je la 7a horo kaj 30 minutoj de la 17a de oktobro en Jiuquan-a Satelit-Lanĉa Centro estis ĵetita la pilotata kosmoŝipo Shenzhou-11 sur la supro de la portoraketo Changzheng-2F Y11. Post 575 sekundoj la kosmoŝipo apartiĝis de la portoraketo, eniris difinitan orbiton, kaj sendis du astronaŭtojn Jing Haiping kaj Chen Dong en la spacon. Ili bone fartas, kaj la ĵeto estis plensukcesa.

    Tio estas la sesa pilotata spacoflugo de Ĉinio. Post enorbitigo la kosmoŝipo sendepende flugos du tagojn, kaj poste ĝi aŭtomate kupliĝos kun la spacolaboratorio Tiangong-2. Dum flugado de la kombinaĵo la astronaŭtoj restos 30 tagojn en la spacolaboratorio por sciencaj kaj teknik-aplikaj eksperimentoj.