Ekfunkciis la dua Esperanto-kurso nedeviga en la Mezlernejo Dependa de Tsinghua-Universitato
S-ro Li Weilun kaj liaj lernantoj en la dua nedeviga Esperanto-kurso
La 27an de septembro 2016 ekfunkciis la dua Esperanto-kurso nedeviga en la Mezlernejo Dependa de Tsinghua-Universitato.
La kurson unuhoran semajne gvidas s-ro Li Weilun, vicprofesoro de la hispana lingvo el la Pekina Lingva kaj Kultura Universitato kaj veterana Esperanto-edukisto, kun la de li kompilita lernolibro Moderna Esperanto por Infanoj kiel lerno-materialo. En ĝi partoprenas 27 lernantoj el la unua kaj dua lernojaraj klasoj de la mezlernejo, kaj ili akiros unu lernopoenton post sukceso en la ekzameno.
En la pasinta jaro ĉiuj 32 lernantoj en la unua nedeviga Esperanto-kurso sukcesis en la ekzameno.
(Raportis Li Weilun)
Redaktoro: Wang Lihua
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
