La bela vilaĝo Hongcun
Tra tiu ponto oni eniras en la vilaĝon Hongcun. (Foto de EPĈ-ano Li Yuwei)
Hongcun, unu el la vilaĝoj plej reprezentantaj de Huizhou-arkitekturo, belas en Yixian-gubernio de Anhui-provinco, kaj estas prenita kiel monda kultura heredaĵo. Ĝi, konstruita en la dinastio Suda Song (1190-1194), havas historion jam de pli ol 800 jaroj.
Laŭaspekte, la malnova vilaĝo havas la formon de bovo. La artefarita akvo-sistemo, kun totala longo de pli ol 1 200 metroj, dezajnita kaj konstruita de hongcun-anoj aĝas jam pli ol 500 jarojn. Ĝi, kun klara akvo preterpasanta ĉiujn domojn sen interrompo dum la tuta jaro, estas rigardata kiel granda miraklo en la "arkitektura historio".
Ĉe la enirejo de la vilaĝo staras 2 arboj en la aĝo de pli ol 500 jaroj -- ruĝa poplo kaj ĝinko. La ruĝa poplo ĉe la norda flanko altas je 19 metroj kaj ĝia krono etendiĝas kiel granda ombrelo; la ĝinko ĉe la suda flanko -- je 20 metroj en la formo simila al glavo pikanta al la ĉielo. Tiuj 2 arboj kvazaŭ "bovaj kornoj" estas prenitaj kiel "trezoro" de la vilaĝo kaj simbolas bonan sorton.
Laŭ la loka kutimo, la novedzina palankeno devas ĉirkaŭiri la ruĝan poplon por aŭguri feliĉan vivon al la novaj geedzoj; kaj la funebra ĉerko de forpasinta maljunulo devas ĉirkaŭiri la ĝinkon por aludi, ke la mortinto havos multajn genepojn.
Redaktoro: Wang Lihua
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
