Establita en Tajlando la unua Ĉina Libro-Centro de Azio
En la inaŭguro de la Ĉina Libro-Centro
La 23-an de septembro okazis inaŭgura ceremonio de la unua Ĉina Libro-Centro de Azio en Bangkoko, ĉefurbo de Tajlando. La inaŭguron ĉeestis Lu Cairong, vicprezidanto de la Ĉina Internacia Eldona Grupo (ĈIEG), Li Zhihui, vicestro de Departemento pri Ekstera Disvastigo de la Informa Oficejo de la Ŝtata Konsilantaro de Ĉinio, Anja, vicrektoro de Bangkoka Universitato, Jiang Yufeng, rektoro de la Internacia Instituto de la Bangkoka Universitato, kaj aliaj gastoj el la du landoj.
Lu Cairong en subskribo de kunlabora memorando kun la Bangkoka Universitato
Lu Cairong esprimis, ke kiel fenestro por tajlandaj popolamasoj la centro diskonigas Ĉinion. Dum la ceremonio, en la nomo de ĈIEG, li donacis al la Bangkoka Universitato 200 specojn da libroj pri ĉinaj politiko, ekonomio, kulturo ktp.
La Ĉina Libro-Centro estis kune establita de ĈIEG kaj la Bangkoka Universitato sub la gvido de la Informa Oficejo de la Ŝtata Konsilantaro de Ĉinio. La centro utilos al tajlandanoj, speciale al studentoj en legado de ĉinaj libroj, akiro de informoj el Ĉinio, kono pri kulturo de Ĉinio kaj pri ĝia disvolvo.
Redaktoro: Niu Xueqin
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
