Pli da britoj lernas la ĉinan lingvon
En la 17a de marto 2015, ĉina instruisto de matematiko Lin Lei (la unua de dekstre) instruis triagradajn lernejanojn en la elementa lernejo Harris en Essex, nordorienta Londono.
La 10an de septembro la retejo de la brita revuo Ekonomikisto raportis, ke iuj lernejoj trovis pli kaj pli grandan merkaton de dulingva instruado. Kenstington Wade, privata lernejo en okcidenta Londono, venontjare akceptos lernantojn en la aĝo de 3 ĝis 13 jaroj. La lernejo donos dulingvan instruadon, la ĉinan kaj la anglan, kaj kombinos la ĉinan kaj okcidentan instru-metodon, kun la lernokotizo de 15 miloj da britaj pundoj ĉiujare. Fondinto de la ĉinlingva infanĝardeno Espera en Barbican celis, ke etuloj de la infanĝardeno fariĝos civitanoj kun "monda konscio kaj mondaj kapabloj".
Por pli da investo al ĉinlingva lernado, la brita registaro anoncis en la 7a de septembro, ke ĝi asignos 10 milionojn da pundoj por ke pli ol 5 mil lernantoj de publikaj lernejoj povu flue paroli la mandarenan antaŭ 2020. Samtempe Instituto de Edukado sub Universitato de Londono, kiu subtenas la programon, planas trejni cent kvalifikitajn ĉinlingvajn instruistojn.
La raporto diris, ke la du lernejoj jam komencis planon pri ekspansio. Kenstingon Wade konsideras starigi filion en aliaj lokoj de Eŭropo. Ĉina investanto kontaktiĝis kun la infanĝardeno Espera kaj deziris enkonduki la markon en Ĉinion. La origina celo estas lernigi al britaj infanoj la mandarenan, tamen la sekva paŝo eble estos instrui la anglan al ĉinaj infanoj.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
