Kvar gravaj okazaĵoj en la itinero de ĉina ĉefministro Li Keqiang: tri kunvenoj kaj unu vizito
De la 6-a ĝis la 9-a de septembro, en Vjentjano de Laoso, ĉina ĉefministro Li Keqiang ĉeestos la 19-an ASOAN-ĉina pintkunveno kaj la memora pintkunveno pri la 25-jariĝo de la dialog-rilatoj inter Ĉinio kaj la dek sudorient-aziaj landoj. Li partoprenos ankaŭ en la 19-a pintkunveno de gvidantoj de ASOAN, Ĉinio, Japanio kaj la Korea Respubliko, en la 11-a pintkunveno de orienta Azio, kaj oficiale vizitos Laoson. Kiajn gravajn aferojn li pritraktos dum la restado? Kion ni povas atendi de lia ĉi-foja vizito?
1. La 19-a ASOAN-ĉina pintkunveno kaj la memora pintkunveno pri la 25-jariĝo de la dialog-rilatoj inter Ĉinio kaj la dek sudorient-aziaj landoj.
Ĉina ĉefministro Li Keqiang proponos, ke oni donu prioritaton al edukado kaj turismo kaj faru kulturajn interŝanĝojn nova kolono de la duflankaj rilatoj.
2. La 19-a pintkunveno de gvidantoj de ASOAN, Ĉinio, Japanio kaj la Korea Respubliko
Ĉina ĉefministro Li Keqiang instigos ĉiujn landojn pligrandigi investadon kaj fortigi kunlaboron en financa sekureco, investado en internacia komerco, redukto de malriĉeco en agrikulturo, interkonekto, kapablo en produktado kaj kulturaj rilatoj.
3. La 11-a pintkunveno de orienta Azio
2016 estas la unua jaro de la dua jardeko de la pintkunveno de orienta Azio. Ĉina ĉefministro Li Keqiang prezentos opiniojn de Ĉinio pri la estonta direkto de disvolvo. Ni antaŭenpuŝos la stabilan disvolviĝon de la pintkunveno por ke ĝi povu ludi la rolon stimuli la ekonomian disvolvon kaj politikan sekurecon.
4. Oficiala vizito al Laoso
La ĉi-foja vizito de ĉina ĉefministro Li Keqiang al Laoso estos signifoplena por la konstruo de ampleksa strategia partnereco inter Ĉinio kaj Laoso. La gvidantoj de la du landoj interŝanĝos opiniojn, klopodos por formi komunajn vidpunktojn, subskribos serion da dokumentoj pri kunlaboroj kaj pri aferoj kun komuna intereso en la nova epoko.
Redaktoro: Gao Shuyuan
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
