Verdigo sur la Qinghai-Tibeta Altebenaĵo

En la 30-a de aŭgusto senvualiĝis la memortabulo pri la projekto "Verda hada-koltuko".

Sa Beining, reklama stelulo de tiu ĉi publik-profita projekto, dissemas semojn de herboj.

 

    En la 30-a de aŭgusto sur la Qinghai-Tibeta Altebenaĵo disvolviĝis la herbo-planta projekto nome "Verda hada-koltuko" por 2016. Xu Guang, ĝenerala sekretario de Ĉina Mediprotekta Fondaĵo, prezentis la projekton, dirante ke ĝi estis oficiale lanĉita en 2013, kaj celas plibonigi la ekologian medion en Tibeto kaj helpi agrikulturistojn kaj paŝtistojn en mildigo de la manko de herboj por ili. Dum la kvar jaroj depost la lanĉo herboj estis plantitaj en la areo de ĉirkaŭ 5.3 kvadratoj kilometroj. Tiuj herboj kapablas sorbi 47 481 tunojn da karbondioksido ĉiujare kaj profitigi 2 655 vilaĝanojn en Tibeto per plibonigo de la loka klimato kaj reduktado de la ofteco de naturaj katastrofoj.