Laŭdata en Taibei la ekspozicio pri terakotaj soldatoj kaj ĉevaloj

Ŝtona kiraso elterigita el la maŭzoleo de la unua imperiestro de Qin-dinastio en la urbo Xi'an de Shaanxi-provinco (fotita en la 9-a de aŭgusto en la Palaca Muzeo en Taibei).

    Estas konstante laŭdata la ekspozicio malfermita maje en la Palaca Muzeo en Taipei. Ĝi titoliĝas "Qin-dinastio kaj terakotoj: Speciala ekspozicio pri la kulturo de Qin-dinastio kaj ĝiaj terakotaj soldatoj kaj ĉevaloj", kaj amasigas la plej bonajn altvaloraĵojn de multaj arkeologiaj institucioj de ambaŭ bordoj de la Taiwan-a Markolo. La ekspozicio estas kune okazigata de la Palaca Muzeo en Taibei, la Muzeo pri Scienco kaj Teknologio en Taibei, la Shaanxi-a Populariga Centro de Kulturaj Heredaĵoj, la Shaanxi-a Centro de Donitaĵoj pri Kulturaj Relikvoj, kaj la entrepreno Komunikado de Multkomunikilaj Sferoj. Ĝi montras sume 300 kulturajn relikvojn el 189 grupoj da kolektoj el 20 arkeologiaj institucioj, el kiuj 37% estas en la unuaklasa protektado de la ŝtato. Prezentiĝas eĉ tiuj elfositaj en la lastaj jaroj, kaj multaj el ili estas por la unua fojo eksponataj en Taiwan.