Oficialulo de Kamboĝo subtenas Ĉinion pri la demando de la Suda Ĉina Maro

    Intervjuite de raportisto en Pnom-Peno, ĉefurbo de Kamboĝo, Phay Siphan, ŝtatsekretario por la kabinetoficejo kaj proparolanto de la kamboĝa registaro, diris, ke la arbitracio pri la Suda Ĉina Maro unuflanke iniciatita de Filipinoj estas plena de antaŭjuĝoj, la t.n. verdikto de la porokaza arbitracia tribunalo estis tute politike motivita kaj ne helpas la solvadon de la demando de la Suda Ĉina Maro, kaj male ĝi nur povas kompliki la situacion. Pli kaj pli multe da membro-landoj de la Asocio de Sudorient-Aziaj Landoj (ASOAL) opinias, ke por solvi la demandon de la Suda Ĉina Maro oni devas reveni al la ĝusta vojo, t.e. al la Deklaracio pri la Konduto de Partioj en la Suda Ĉina Maro komune subskribita de Ĉinio kaj de ASOAL.