Filipina amaskomunikilo: filipina eksprezidento Fidel Valdez Ramos konsentis iri al Ĉinio kiel speciala sendito por intertraktado
Fidel Valdez Ramos, eksprezidento de Filipinoj
La 23-an de julio en la urbo Davao en suda parto de Filipinoj, filipina eksprezidento Fidel Valdez Ramos diris al amaskomunikiloj, ke li akceptis la nomumon de la nuna prezidento Rodrigo Duterte kaj iros al Ĉinio kiel speciala sendito por intertraktado.
Laŭ raporto de la televida stacio de la brodkasta sistemo Alto, antaŭ deklaro de sia akcepto de la nomumo, Ramos havis du-horan interparoladon kun Duterte.
Ramos diris ankaŭ, ke laŭ lia kuracisto, lia sanstato permesas la akcepton de la nomumo fare de la prezidento.
La prezidenta oficejo de Filipinoj ne publikigis la enhavon de la interparolado inter Ramos kaj Duterte.
Vespere de la 14-a de julio en la memoriga festeno okazigita de la Kolegio San Beda, sia patrina lernejo supera, Duterte diris, ke li planas sendi eksprezidenton Ramos kiel specialan senditon al Ĉinio por komenci intertraktadon inter Filipinoj kaj Ĉinio pri la demando de la Suda Ĉina Maro. Ankaŭ Ramos partoprenis en la festeno kiel honora eksstudento de la kolegio. Tiam li ne klare diris, ĉu li akceptas tiun mision.
Redaktoro: Niu Xueqin
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
