Aertrupo de la Ĉina Aer-Armeo komencis regulan batalpatrolon super la Suda Ĉina Maro
Lastatempe bombaviadiloj H-6K de la Ĉina Aer-Armeo krozis en aerspaco super Huangyan-Insulo kaj aliaj insuloj kaj rifoj.
La 18-an de julio, Shen Jinke, proparolanto de la Ĉina Aer-Armeo, anoncis en Pekino, ke lastatempe la Ĉina Aer-Armeo organizis aertrupon por batalpatrolo super la Suda Ĉina Maro. La Ĉina Aer-Armeo sendis bombaviadilojn H-6K al aerspaco super Huangyan-Insulo kaj aliaj insuloj kaj rifoj por krozado en la ĉi-foja batalpatrolo.
Shen Jinke klarigis, ke dum tiu ĉi rutina batalpatrolo la aertrupo el bombaviadiloj H-6K, batalaviadiloj, skoltaviadiloj kaj cisternoaviadiloj, efektivigis diversajn taskojn kiel skoltado, aerbatalado kaj patrolado de la insuloj kaj rifoj, kaj tiel sukcese atingis sian celon.
Shen Jinke diris: "Por efike plenumi la mision de la Ĉina Aer-Armeo, la batalpatrolo super la Suda Ĉina Maro fare de tiu ĉi aertrupo estos daŭrigata kiel regula praktiko."
Redaktoro: Kang Caiqi
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
