Ĉinaj gvidantoj emfazas klopodojn por profundigi reformon de ŝtataj entreprenoj

 

    La 4an de julio en Pekino okazis kunsido de reformo de ŝtataj entreprenoj. Ĉina prezidanto Xi Jinping emfazis, ke ŝtataj entreprenoj estas gravaj fortoj por nacia disvolvado kaj garantio de popolaj interesoj kaj devas fari pli da klopodoj por esti pli viglaj, konkurencivaj kun la kapablo rezisti riskojn. Por persisti en reformado de ŝtataj entreprenoj, oni devas koncentri la atenton por novigi mekanismon, establi administran sistemon de modernaj entreprenoj, ludi la rolon de aktiveco kaj kreemo de diversaj talentuloj en ŝtataj entreprenoj kaj stimuli viglecon en diversaj faktoroj. Oni devas antaŭenpuŝi industrian strukturan reĝustigon, novig-akcelan disvolvadon, optimumigon de aranĝo laŭ ideoj de noviga, kunordigita, verda, malferma, kunhavebla disvolvado por ke ŝtataj entreprenoj ludu la gvidan rolon en struktura reformo de proviz-flanko.