Sekretario de KAEM vizitis Internan Mongolion, Ĉinio
S-ro Enkhee (meze de la unua vico) kaj esperantistoj de Interna Mongolio
En la 28a de junio 2016, la Esperanto-Asocio de Interna Mongolio de Ĉinio akceptis s-ron Chimedtseren Enkhee, prezidanto de Mongola Esperanto-Societo kaj sekretario de Komisiono pri Azia Esperanto-Movado (KAEM).
Dum la kunsido, la du flankoj prezentis siajn Esperanto-agadojn. Estraranoj kaj membroj de la Esperanto-Asocio de Interna Mongolio interŝanĝis kun s-ro Enkhee opiniojn pri altigo de Esperanto-nivelo, pri diskonigo de la lingvo kaj pri aliaj aktivadoj. La du flankoj ankaŭ diskutis pri kunlaboro de Esperanto-seminario en 2017, kaj pri turismado, reciproka vizitado kaj aliaj agadoj en la estonteco.
Vespere, la Esperanto-Asocio de Interna Mongolio invitis s-ron Enkhee spekti la operon "Wang Zhaojun". La akcepton ĉeestis membroj de la konsilantaro de la asocio kaj aliaj Esperanto-aktivuloj de la regiono.
(raportis Zhang Jianjun el Interna Mongolio)
Redaktoro: Wang Lihua
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
