En septembro ĉi-jare okazos en Tokio la 12-a Pekina-Tokia Forumo
Teksto de Wang Hao
Fotoj de Zhao Xi
En la estrara interkonsiliĝo
La 28-an de aprilo okazis en Pekino estrara interkonsiliĝo de la Pekina-Tokia Forumo organizita de la Ĉina Internacia Eldona Grupo kaj Genron NPO, japana neprofitcela organizo. La du flankoj konsentis, ke la 12-a Pekina-Tokia Forumo okazos en Tokio de la 25-a ĝis la 28-a de septembro.
Parolas estro de la japana flanko.
La du flankoj interŝanĝis opiniojn pri diskutotaj temoj en la venonta Pekina-Tokia Forumo. Laŭplane oni diskutos pri la orientazia paco kaj monda ekonomio, kaj ankaŭ pri tiaj subtemoj kiaj strategia interfido, reciproka kompreno, stabila disvolvo kaj ekonomia kunlaboro inter Ĉinio kaj Japanio. Krome estos subforumoj pri la duflankaj politiko, diplomatio, ekonomio, sekureco kaj amaskomunikiloj. La du flankoj faros respektive en Ĉinio kaj Japanio opinio-sondon pri la dulandaj rilatoj kaj publikigos la rezulton antaŭ okazo de la forumo.
La Pekina-Tokia Forumo estis iniciatita en 2005 kaj de tiam okazas ĉiujare laŭvice en Pekino kaj Tokio. Ĝi nun jam fariĝis grava altnivela platformo de interpopolaj dialogo kaj komunikado inter la du landoj. En oktobro 2015 okazis en Pekino la 11-a Pekina-Tokia Forumo organizita komune de la Ĉina Internacia Eldona Grupo kaj Genron NPO.
Redaktoro: Zhang Xiaotong
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
