E-istoj el pluraj landoj esprimis zorgemon al japanaj e-istoj en Kumamoto tra JEI

    Japana Esperanto-Instituto (JEI) en sia ĉefpaĝo en Facebook esprimis profundan maltrankvilon kaj bedaŭron pri la sorto de viktimoj de daŭranta aro de sinsekvaj tertremoj en Kumamoto. Ĝis la 16-a de aprilo ne estas informo pri esperantista viktimo, tamen iuj suferis damaĝojn en siaj domoj. La instituo atendas plurajn informojn kun maltrankvilo kaj espero.

    Nome de ĉinaj e-istoj El Popola Ĉinio esprimis simpation kaj zorgemon al japanaj e-istoj en Kumamoto, kaj samtempe esprimis profundan funebron al la viktimoj de la tertremo kaj kondolencojn al iliaj familianoj.

    Pakistana esperantisto Mian Salam Shany, nome de si mem, siaj familianoj kaj esperantistaj amikoj el Pakistano, esprimis la malĝojon pro la vivoperdoj kaŭzitaj de la tertremo en Kumamoto.

    Vendrede okazis tertremo de magnitudo 6.5 en la suda parto de Japanio. Ĉie oni vidis kolapsitajn domojn kaj disĵetitajn rubojn. Almenaŭ 42 homoj mortis kaj pli ol 800 estis vunditaj.