Svedio petas telefonvokojn el la tuta mondo
La 7an de aprilo la ĵurnalo Hodiaŭa Usono raportis, ke la Turisma Asocio de Svedio komencis projekton pri telefon-alvokoj el aliaj landoj al Svedio por disvastigi la svedan turismon.
La asocio publikigis aplikaĵon por saĝa poŝtelefono. Oni povas instali ĝin por ricevi alvokojn el diversaj landoj.
Magnus Florin el la suda sveda urbo Helsingborg elŝutis la programon, kaj tiel li fariĝis "ambasadoro" de Svedio. Lastatempe du turkoj, grupo de lernantinoj el Londono kaj kelkaj knaboj el Finlando, kiuj "ne scias kial ili faras la telefonvokon", telefonis al Florin.
Laŭ la kalkulado de la asocio, nur unu tagon post la inaŭguro de la projekto, svedoj ricevis 9 202 alvokojn. 28% venis el Usono, 26% el Turkio, po 7% el Britio kaj Rusio kaj 4% el Germanio.
La asocio atentigis la telefon-alvokontojn pri la horzona diferenco. "Ni bonvenigas vin telefoni en iu ajna momento, tamen ni eble estas dormantaj kiam vi alvokas."
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
