Eksterkorpe kreita funkcia spermatozoo
Plej freŝa esploro montras, ke en la estonteco viroj eble fariĝos superfluaj en vivokreado. La retejo Cankaoxiaoxi lastatempe raportis, ke se sciencistoj sukcese kultivos spermatozoon el haŭto, okazos revolucio en kuracado de malfekundeco.
Lastatempe profesoro Sha Jiahao el ŝtatklasa laboratorio de reprodukta medicino sub la Nankina Medicina Universitato, akademiano Zhou Qi kaj esploristo Zhao Xiaoyang el Instituto de Zoologio sub la Ĉina Akademio de Sciencoj unuafoje akiris funkcian spermatozoon per disigo de trunkĉeloj el embrio de muso. Tio estas grava evoluo en la esploro pri trunkĉeloj kaj alportas esperon al nefekundopovaj viroj.
La esploristoj planas baldaŭ komenci kultivadon de homa spermatozoo, dirante, ke la tekniko estos aplikita en kliniko de provtubaj beboj ene de dek jaroj.
La 25an de februaro la brita retejo Daily Mail raportis, ke sepono da geedzoj havas malfacilon por gravediĝo. Kvankam la tekniko de provtuba bebo helpis iujn, multaj aliaj estis informitaj, ke moderna medicino ankoraŭ ne povas helpi ilin.
Tiu ĉi studo unuafoje akiris eksterkorpan spermatozoon kaj metis teorian fundamenton por klinika aplikado.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
