Inteligenta subvesto sentiva
Kio okazos, kiam la tradicia profesio alfrontas inteligentan teknikon? Lastatempe la teknika firmao Moonsmimi lanĉis inteligentan mamzonon, la unuan en Ĉinio, kiu povas pozitive reagi al donitaĵoj. Ĝi povas ne nur registri la nombron de korbato, korpan temperaturon kaj la nombron de paŝoj, sed ankaŭ reagi al malsamaj emocioj de virinoj.
Ĝia sensora ico estas la plej maldika inter tiuj de la sama tipo. Ĝia modelgrupo estas granda kiel unu-juana monero kaj dika kiel du unu-juanaj moneroj (cirkaŭ 4,2 mm), tiel ĝi ne malaltigas la komforton de subvesto. La materialo de ĝia sensilo estas medi-amika kaj konforma al la sekureca normo de la Norda Ameriko kaj al tiu de la Eŭropa Unio.
Ĝenerala direktoro de la firmao Jin Yuliang diris, ke plejparto de surhaveblaj ekipaĵoj en la merkato kolektas bazajn donitaĵojn, tamen ili ne kapablas trakti la donitaĵojn nek pozitive reagi al ili. La avantaĝo de tiu ĉi inteligenta subvesto estas, ke ĝi havas aŭtogenan aplik-algoritmon, kaj povas amplekse taksi la sanstaton kaj emocion de la uzanto kaj reagi al ili. Informiĝinte pri nenormalo de la uzanto, la ekipaĵo povas ankaŭ pozitive reagi kaj helpi la uzanton solvi iujn problemojn krom raporti la problemojn al la uzanto.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: Skani la du-dimensian kodon por legi EPĈ en WeChat
