UN faris "mediprotektan manĝaĵon" por ŝtatestroj
La 27-an de septembro en tagmanĝo, oni trovis manĝaĵojn faritaj el ofte forĵetaj materialoj.
Okazis en la stabejo de UN la tagmanĝo, kiun ĉeestis franca prezidento François Hollande, perua prezidento Ollanta Humala kaj aliaj, kiuj laŭplane faris diskonigon por la Klimata Pintkonferenco de UN en Parizo ĉe la fino de la kuranta jaro.
Laŭ raporto de franca amaskomunikilo, tiuj manĝaĵoj sur tablo de la tagmanĝo estis faritaj el "restaĵoj", kiujn oni ofte forĵetas dum la kuirado. Ekzemple, vegetara hamburgero estas farita el la restaĵoj post elpremo de legomo-suko. Frititaj terpomoj, kromplado de la hamburgero, estas faritaj el maiza faruno, per kiu oni ofte provizas bestojn.
Vegetara hamburgero farita el legomo-restaĵoj
Laŭ statistiko publikigita de UN, la forĵetitaj aŭ malŝparitaj manĝaĵoj estis produktitaj el la kampoj, kiuj okupas ĉirkaŭ 28% de la totala agrikultura grundo en la mondo, kaj dum la produktado de tiuj manĝaĵoj estis ellasita karbondioksido de 3.3 miliardoj da tunoj. Post la tagmanĝo, Ban Ki-moon, ĝenerala sekretario de UN, diris ke la ĉifoja tagmanĝo celas atentigi ĉiujn, ke la forĵetaĵoj produktitaj dum preparado de manĝaĵoj estas facile neglektita elemento por klimata ŝanĝiĝo.
Redaktoro: Zhang Xiaotong
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
