Kraboj el Yangcheng-lago baldaŭ aĉetablos
La 20an de septembro oni komencos kapti krabojn en Yangcheng-lago.
Yangcheng-lago, unu el la gravaj sensalaj lagoj en Jiangsu-provinco, estas riĉa je akvoproduktoj. La kraboj el la lago estas multe ŝatataj de ĉinoj.
La kraboj estas bredataj en la areo de 32 miloj da mu-oj de la lago, kaj la averaĝa produktokvanto po mu-o kalkuliĝas al 60 kilogramoj. Ĉi-jare la totala produktokvanto de kraboj reduktiĝos je 2 000 ĝis 2 100 tunoj pro tro multe da pluvo kaj nesufiĉa sunlumo en la komenca periodo de ĉi tiu jaro. La kraboj ĉi-jare estas ĝenerale malgrandaj, kaj tiuj, kiuj pezas pli ol 225 gramojn, estas maloftaj. Tamen la prezo ne multe ŝanĝiĝos.
La Aŭtunmeza Festo estas la dua plej grava tradicia festo de Ĉinio tuj post la Printempa Festo. Krom lunkukoj, la alia ŝatata manĝaĵo sur la festa tablo de ĉinoj estas la krabo nutra kaj bongusta.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
