Baldaŭ finiĝos la konstruado de la Hongkong-Zhuhai-Makao-a Ponto en suda Ĉinio
Antaŭtagmeze de la 6-a de septembro finiĝis la konstruado de la pilieroj kaj traboj de la Hongkong-Zhuhai-Makao-a Ponto. Tio signifas, ke tuj komenciĝos la aranĝo de la pendokabloj kaj baldaŭ finiĝos la tuta konstruado de la ponto.
La ponto havas la totalan longecon de 49,968 kilometroj, kaj estis ekkonstruita en la 15-a de decembro 2009. La ponto kunligas oriente Hongkong-on, okcidente la urbon Zhuhai (de la provinco Guangdong) kaj Makao-on. Ĝi estas parto de la projektita ŝosea reto de Ĉinio kaj funkcios kiel la ŝlosilo trans la maro por rondiri la Delton de la Perla Rivero en la suda parto de la lando. Post la finiĝo de la konstruado aperos nova transporta vojo, kiu ligos la du bordojn de la Perla Rivero.
Redaktoro: Xie Ruifeng
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
