Nepalo denove malfermis al turistoj la montopinton Qomolangma
La 24an de aŭgusto la rusa novaĵ-retejo Sputniko raportis, ke la nepala registaro denove malfermis la montopinton Qomolangma al turistoj kaj montgrimpistoj post la granda tertremo.
La unua provanto al la montopinto estis japana montgrimpisto Kuriki Nobukazu. La nepala turisma ministro Kripasur Sherpa donis al li licencon.
La 25an de aprilo 8,1-magnituda tertremo trafis Nepalon. La epicentro situis 82 kilometrojn nordokcidente de Katmanduo, kaj la hipocentro estis profunda je 15 kilometroj. Poste la lando eltenis serion da postskuoj. La statistiko montris, ke la tertremo mortigis 9 000 homojn kaj vundis aliajn 22 000.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
