Hundo malamas katon de antikveco
La 12an de aŭgusto la usona retejo Science Daily raportis, ke la internacia esplorteamo konsistanta el universitataj sciencistoj el Gotenburgo de Svedio, San-Paŭlo de Brazilo kaj Laŭzano de Svislando trovis post analizo de pli ol 2 000 fosilioj, ke felisoj migris de Azio al Nord-Ameriko, donis fatalan baton al la diverseco de kaniso, kaj pereigis pli ol 40 specojn de kaniso.
La esploristoj rimarkigis, ke la fenomeno, ke antikvaj felisoj kaj kanisoj konkuris pri nutraĵoj, sed ne pro ŝanĝiĝoj, kaŭzis la pereon de pli ol 40 specoj de kaniso. Daniele Silvestro, respondeculo de la esploro kaj sciencisto de la fako pri biologia kaj media scienco el la Universitato de Gotenburgo, diris: "Kutime ni opinias, ke klimataj ŝanĝiĝoj ludis gravan rolon en evoluo de biodiverseco. Tamen la fakto montris, ke konkurado inter malsamaj karnovoruloj estis pli grava por kanisoj."
Kaniso devenis de Nord-Ameriko antaŭ 40 milionoj da jaroj, kaj ĝia diverseco atingis la kulminon antaŭ 22 milionoj da jaroj. Siatempe pli ol 30 specoj da kaniso estis en Nord-Ameriko, kaj nun restas nur naŭ specoj. Iliaj korpoj iĝis pli grandaj, kaj fine ili evoluis al grandaj rabobestoj. Iuj pezis pli ol 32 kilogramojn, kaj enviciĝis inter la plej grandaj karnovoruloj en Nord-Ameriko. Nun grandaj karnovoruloj alfrontas pli grandan danĝeron de pereo ol la malgrandaj, tamen ne ekzistis simila modelo de antikvaj kanisoj.
Kurioze, antikvaj felisoj forte kaj negative influis la ekziston de kanisoj, tamen kanisoj ne multe efikis sur felisoj. Tio montris, ke felisoj estas pli efikaj predantoj ol kanisoj.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
