Barato eble havos plej grandan loĝantaron anstataŭ Ĉinio
La 29an de julio en Nov-Jorko UN publikigis raporton pri perspektivo de la monda loĝantaro, opiniante, ke Barato eble fariĝos lando kun plej granda loĝantaro anstataŭ Ĉinio en la venontaj sep jaroj.
La raporto diris, ke la barata populacio eble atingos 1,5 miliardojn da homoj en la jaro 2030, kaj senĉese kreskos dum la postaj dekoj da jaroj. Tamen la ĉina populacio eble iom reduktiĝos post la jaro 2030.
La raporto menciis, ke antaŭ la mezo de tiu ĉi jarcento la totala kresko de la loĝantoj de Barato, Niĝerio, Etiopio kaj aliaj entute naŭ landoj okupos duonon de la kresko tiukampe en la tuta mondo. En la jaro 2050 la monda populacio kreskos de la nunaj 7,3 miliardoj da homoj ĝis 9,7 miliardoj. John Wilmoth, direktoro de la Populacia Sekcio de la Departemento de UN pri Ekonomiaj kaj Sociaj Aferoj, diris, ke la aldonotaj loĝantoj ĉefe en subevoluintaj regionoj malfaciligos la taskon elimini malriĉecon kaj malegalecon, kaj tio estas atentinda demando en realigo de daŭripova disvolvado.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
