Baihuashan kaj Shenandoah fariĝis ĝemelaj parkoj
La naturparko Baihuashan de Pekino
La 4an de julio la naturparko Baihuashan de Pekino kaj la naturparko Shenandoah de Usono subskribis interkonsenton pri starigo de ĝemelaj parkoj. Tio helpas Baihuashan lerni avangardajn spertojn de la evoluinta lando en konstruado de la naturparko kaj altigi sian administran nivelon.
La naturparko Shenandoah de Usono
Ambaŭ estas rezervejoj aŭ naturparkoj sub la ŝtatnivela protekto kaj apartenas al arbara ekosistemo. La situoj estas similaj, je 38-39 gradoj de norda latitudo kaj je cent kilometroj norde de iliaj ĉefurboj. Krome ili havas similajn montojn, rokojn, arbarojn kaj pejzaĝojn. Malsame ol aliaj rezervejoj aŭ naturparkoj en foraj lokoj, la ĝemelaj parkoj konservas belajn naturajn pejzaĝojn, kulturajn heredaĵojn kaj legendojn.
En la lastaj jaroj Ĉinio kaj Usono pliigis interŝanĝojn en resursa protekto kaj ekomedio. Sep paroj da ĝemelaj parkoj kunlaboris en naturprotekto por sovaĝaj bestoj kaj plantoj, publika edukado, scienca esplorado, kaj akiris kontentitajn rezultojn.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
