La Muzeo de Imperiestra Palaco en Pekino: ekspozicio de porcelanaĵoj el imperiestraj bakfornoj en la dinastio Ming
En la ekspozicio de porcelanaĵoj el imperiestraj bakfornoj en la dinastio Ming
La 2-an de junio en la Muzeo de Imperiestra Palaco en Pekino inaŭguriĝis ekspozicio de porcelanaĵoj el imperiestraj bakfornoj en la dinastio Ming. La 297 eksponaĵoj enhavas porcelanaĵojn elterigitajn en Jingde-urbeto de la provinco Jiangxi, kiuj ne estis elektitaj kiel uzaĵoj de imperiestroj pro sia malbona kvalito, kaj de la muzeo kolektitajn porcelanaĵojn produktitajn dum la periodoj Hongwu, Yongle kaj Xuande (1368-1435).
Dum la dinastioj Ming (1368-1644) kaj Qing (1644-1911) la imperiestraj bakfornoj en Jingde-urbeto estis bazo por produkti porcelanaĵojn por imperiestroj. Nun en la Muzeo de Imperiestra Palaco en Pekino kaj la Muzeo de Palaco en Taibei estas kolektitaj pli ol 10 mil porcelanaĵoj por imperiestroj produktitaj en la dinastio Ming.
La ekspozicio daŭros ĝis la 3-a de septembro. Oni povas viziti ĝin per enirbileto de la Muzeo de Imperiestra Palaco.
Redaktoro: Niu Xueqin
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
