Lu Han kaj Tao Zhe prezentis kanton por gastigi la Vintrajn Olimpikojn
Sekve de la proksimiĝo al publikiĝo de la gastiga urbo de la Vintraj Olimpikoj en 2022, multaj homoj estas altiritaj de la paŝoj por gastigi la Olimpikojn. Lastatempe, en Pekino ĉinaj kantistoj Lu Han kaj Tao Zhe registris kaj kantis la kanton Venu al la Granda Muro por Skii.
Venu al la Granda Muro por Skii estas ĉeftema kanto por la gastigo de la Vintraj Olimpikoj en 2022 far Ĉinio. Ĝi estis elektita inter cento da kantoj. Kun vortoj de Chen Daobin kaj muziko de Li Kaichou la kanto havas glatan melodion kaj vortojn plenajn je afabla invito al amikoj el diversaj landoj. Tao Zhe adaptis la kanton en la avangardan modernan elektronikan muzik-stilon por ke ĝi pli akordigu la guston de Lu Han plenan je pozitiva energio kaj por montri la pasion por gastigi la Vintrajn Olimpikojn.
Tio estas la unua kunlaboro de Lu Han kaj Tao Zhe. La kanto Venu al la Granda Muro por Skii estos publikigita post nelonge.
Redaktoro: Niu Xueqin
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
