La unuaj helpmaterialoj de Ĉinio atingis Nepalon
Ĉina armea aviadilo atingis Katmanduon.
Je la 11-a horo antaŭtagmeze de la 28-a de aprilo laŭ la loka tempo, atingis Katmanduon la unua armea aviadilo kun urĝaj helpmaterialoj de 186 tunoj. Krome, jam en la 27-a la ĉina sav-taĉmento komencis kurac-helpon.
Pro manko de spaco en la flughaveno, multaj alilandaj aviadiloj kun sav-taĉmentoj kaj -materialoj ankoraŭ atendas taŭgan tempon por surteriĝi. Ĉinio daŭre parolos kun la nepala flanko por laŭeble sendi taĉmentojn kaj materialojn al la regionoj trafitaj de la tertremo.
Krome, pli ol 2 mil ĉinaj civitanoj revenis hejmen per ĉinaj aviadiloj. La ĉinaj aviadil-kompanioj daŭre akceptos ĉinojn kiuj estas en Nepalo kaj volas reveni al Ĉinio.
Laŭ oficiala informo publikigita en la 28-a, la nombro de mortintoj pro la ĉi-foja tertremo superis 4 300 personojn kaj tiu de vunditoj -- 8 000 .
Redaktoro: Zhang Xiaotong
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
