Revenigitaj al la naturo 30 ruĝaj ibisoj
La 11an aprilo en la urbo Tongchuan komenciĝis la 34a semajno por la amo al birdoj, kunaranĝita de la Ĉina Asocio por Protekto de Sovaĝaj Bestoj kaj la provinca asocio de Shaanxi, kun la temo "protekto de migrobirdoj kaj konservo de verda hejmloko". En la malferma ceremonio en la Forstejo de Liulin 30 ruĝaj ibisoj naskitaj per artefarita reproduktado estis revenigitaj al la naturo post sovaĝiga eduko.
Ruĝa ibiso estas sub la ŝtata protekto kiel besto de la unua klaso, kaj estas konata la "orienta gemo".
En majo 1981 la gubernio Yangxian de Shaanxi-provinco trovis sep ruĝajn ibisojn, kaj tiu endanĝerigita specio vekis grandan atenton kaj ricevis protekton de la ĉina registaro kaj koncernaj internaciaj organizoj. En la pasintaj 34 jaroj diversnivelaj forstkulturaj departementoj faris artefaritan reproduktadon de specio kaj sovaĝigajn eksperimentojn. Nun vivas pli ol 1 600 ruĝaj ibisoj en la provinco, kaj pli ol 2 000 en la tuta mondo, ĉefe en Japanio, Sud-Koreio, kaj la provincoj Shaanxi, Zhejiang kaj Henan de Ĉinio. La savado kaj protekto de ruĝaj ibisoj en Ĉinio jam fariĝis sukcesa ekzemplo de la protekto de endanĝerigitaj specioj en la mondo.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
