Francio, Germanio kaj Italio deklaris sian aliĝon al AIIB
La 17an de marto Francio, Germanio kaj Italio deklaris, ke ili deziras esti fondanto-membroj de la Azia Infrastruktura Invest-Banko (AIIB). Antaŭ tio Britio jam faris la saman deklaron. Ĝis nun kvar eŭropaj landoj konfirmis sian deziron pri aliĝo al AIIB, kaj jam entute 31 landoj deziras esti fondanto-membroj de AIIB.
AIIB estis proponita de Ĉinio en la lasta jaro, kun la celo antaŭenpuŝi la investadon en transportado, energifonto, telekomunikado kaj aliaj infrastrukturaj konstruoj en Azio.
Ĉinio bonvenigas la decidon de Francio, Italio kaj Germanio. Kiel prezidanto de la kunveno de ĉefreprezentantoj por intertraktado el la aliĝontaj fondanto-membroj de la banko, Ĉinio petos opiniojn de la nunaj fondanto-membroj de la banko laŭ la plurflanka proceduro, post kiam ĝi ricevos skribitan konfirmon. Se ĉio iros glate, la tri landoj fariĝos oficialaj membroj de AIIB post du semajnoj.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
