Grandega ranido trovita en Guizhou, Ĉinio
La 14-an de marto la membroj de iu kavern-esplora teamo hazarde trovis je 14 centimetroj longan ranidon en rivereto en iu kaverno super la marnivelo de 780 metroj. La kaverno estas proksime de la urbo Zunyi de la provinco Guizhou en sudokcidenta Ĉinio.
Qian Zhi, veterana esploristo pri kavernaj bestoj kaj ĝenerala sekretario de la kaverna asocio de la provinco, diris, ke la ranido estas ido de ruĝpunkta dentobufo (Oreolalax rhodostigmatus Hu & Fei). Tia bufo estas granda, sed 14-centimetre longa ranido estas vere rara eĉ por tiu ĉi specio.
La bufo estas rara en Ĉinio, ĝi vivas en kaj ĉirkaŭ kavernoj super la marnivelo de 1 000 ĝis 1 790 metroj. Ĝiaj ranidoj plejparte vivas en riveretoj de la kavernoj. Adaptiĝinte al la senlumeco de la kavernoj, la haŭto estas travidebla kaj la internaj organoj klare vidiĝas.
Redaktoro: Xie Ruifeng
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
