Amindaj ŝafoj "Pop-artaj" en Shenzhen, Ĉinio
| 2015-02-13
Amindaj ŝafoj kun la "Pop-arta" stilo
La 11-an de februaro aro da "ŝafoj" kun la stilo de "Pop-arto" vidiĝis en iu placo de la urbo Shenzhen en suda Ĉinio. Oni samtempe publike kolektis kreivecajn grafitiojn, kaj altiris pli da atento de urbanoj. La artefaritaj ŝafoj havas okulfrapajn kolorojn, kaj staras aŭ sidas en "printempa ĝardeno". Ilia amindeco sentigas al la rigardantoj la artecon kaj la atmosferon bonvenigantan la Jaron de Ŝafo.
"Pop-arto" naskiĝis en Britio en la 50-aj jaroj de la pasinta jarcento. "Pop" estas la mallongigo de la angla vorto "Popular", kaj signifas popularan aŭ vulgaran arton. La arto "Pop" estas artista movado, kiu esploras la rilatojn inter la populara kulturo kaj arto.
Redaktoro: Xie Ruifeng
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
No Comments