Forpaso de Yao Beina vekis atenton al mamkancero
Kantisto Yao Beina
La 16an de januaro kantisto Yao Beina forpasis pro mamkancero en la aĝo de 33 jaroj. La alia konata ĉina stelino, kiu forpasis pro mamkancero, estis Chen Xiaoxu, kiu ludis la rolon de Lin Daiyu en la televida teatraĵo Ruĝdoma Sonĝo. Ankaŭ holivuda aktorino Angelina Jolie ricevis operacion de mamektomio en la jaro 2013. Nun oni ne nur bedaŭras la forpason de Yao, sed ankaŭ pliigas la konscion pri prevento de mamkancero.
Mamkancero jam fariĝis la plej letala malsano inter ĉinaj virinoj. En Ĉinio la averaĝa aĝo de malsaniĝo pro mamkancera estas 45 jaroj, tamen kreskas la morbokvanto de mamkancero inter junulinoj.
Kuracistoj rekomendas, ke virinoj, precipe tiuj super la aĝo de 35 jaroj ĉiumonate havu mem-ekzamenon je brusto. Se ŝi trovus unu aŭ plurajn tuberojn, ŝi devus tuj konsulti kuraciston, ĉar pacientoj kun frua mamkancero estas facile resanigeblaj.
Redaktoro: Liu Zijia
Ipernity: El Popola Chinio
Facebook: EPC El Popola Chinio
Twitter: El Popola Chinio
WeChat: El-Popola-Chinio aǔ Skani la du-dimensian kodon por legi EPĈ en WeChat
