En Shandong okazis amuzaj "olimpikoj" de nigraj porkoj

    La 20-an de decembro okazis amuzaj "olimpikoj" de nigraj porkoj en la vilaĝo Shijialing de la provinco Shandong, orienta Ĉinio. En tiu ĉi "olimpiado" de porkoj estis konkursoj pri kurado kaj ĉartirado fare de tiuj bestoj kaj terplugado fare de flavaj bovoj, kaj la allogitaj centoj da vilaĝanoj kaj urbanoj povis senpage gustumi porkaĵon. En gaja etoso oni dividis la ĝojon de laboremaj vilaĝanoj dum la riĉiĝo kaj prospero spektante amuzajn "sportojn", spertante la kamparan vivon kaj ĝuante bongustajn porkaĵojn.

Nigraj porketoj sin pafas al la celo.

Porkopatrino tiras siajn idojn kuŝantajn en la ĉareto.

    Estis raportite, ke la "olimpikoj" estas organizitaj de la loka porkobredisto Miao Xiqiang. Li tion faris kun la celo disvastigi inter vilaĝanoj sciojn pri kulturado de nigraj porkoj, helpi vilaĝanojn plivastigi la merkaton kaj riĉiĝi per porkobredado.

Redaktoro: Xie Ruifeng

Komento

Gastlibro