Seminario de sud-suda kunlaboro por pritrakto de klimata ŝanĝo
La 8an de decembro en Limo, Peruo, okazis altnivela seminario de sud-suda kunlaboro por pritrakto de klimata ŝanĝo, kaj la ĉeestantoj el diversaj landoj interŝanĝis opiniojn pri sud-suda kunlaboro por akcelo de verda kaj malmultkarbona disvolvado. Tio estis unu el la flankaj kunvenoj de la "ĉina angulo" kadre de la lima konferenco pri klimata ŝanĝo.
Xie Zhenhua, ĉefo de la ĉina delegacio por la konferenco kaj ĝenerala vicdirektoro de la Ŝtata Komisiono por Disvolvo kaj Reformado de Ĉinio, diris en la inaŭguro, ke por evoluo de la homaro, Ĉinio ĉiam alprenas respondecan sintenon en respondo al klimata ŝanĝo. De post la jaro 2011 la ĉina registaro asignis entute 270 milionojn da juanoj por sud-suda kunlaboro pri trakto de klimata ŝanĝo.
(Redaktoro: Liu Zijia)