La ruino de la palaco Daminggong
La palaco Daminggong en birdrigardo 
La ruino de la palaco Hanyuan, ĉefa palaco de Daminggong 
Drakaj kapoj sur la fundamenta ŝtono de la palaco 
La rekonstruita pordego Danfengmen de la palaco Daminggong 
La ruino de la pordego Xuanwumen 
La muzeo de la ruino de la palaco Daminggong 
Kupra modelo de la ruino de la palaco Daminggong
La ruino de la palaco Daminggong estas unu el la 22 ĉinaj lokoj en la programo pri la Silka Vojo kune peticiita de Ĉinio, Kazaĥio kaj Kirgizio kiel monda kultura heredaĵo.
La ruino de la palaco Daminggong, kiu troviĝas en antaŭurbo norde de Xi'an, ĉefurbo de la provinco Shaanxi en nordokcidenta Ĉinio, estas ruino de palaco en Chang'an, ĉefurbo de la dinastio Tang (618-907) kaj komenca punkto de la Silka Vojo en la Oriento dum la 7-10-aj jarcentoj. En la jaro 1961 la palaco fariĝis unu el la unuaj lokoj ĉefe protektataj de Ĉinio kiel historiaj restaĵoj. Ĝi estas reprezenteca restaĵo de la urbo Chang'an en la dinastio Tang dum la prospera periodo de la Silka Vojo.
La palaco Daminggong estas la plej granda inter la tri palacoj en Chang'an. La imperiestroj de la dinastio Tang plejparte loĝis en la palaco kaj pro tio ĝi funkciis kiel rega centro dum pli ol 200 jaroj en la nomita dinastio. Per sia palaca dispozicio akso-simetria kaj grandskalaj palacaj konstruaĵoj ĝi montris klaran trajton pri la etiketa sistemo, atestis la civilizacian nivelon de la orienta lando kun progresa agrikultura civilizacio kaj ĝiajn trajtojn pri la etiketa kulturo, atestis ankaŭ la gravan akcelon de la dinastio Tang al la Silka Vojo.
Redaktoroj: Zhang Shuang kaj Niu Xueqin
