Franca esperantisto vizitas Internan Mongolion
Franca esperantisto Henry Bruno (tria maldekstre) en Hohhot 
Franca esperantisto Henry Bruno (dua dekstre) en Baotou
Franca esperantisto Henry Bruno en akompano de ĉina esperantistino Zhang Manjuan el la urbo Changsha de la provinco Hunan vojaĝas en la Aŭtonoma Regiono de la Interna Mongolio, Ĉinio, kaj renkontiĝas kun lokaj esperantistoj. Ili unue atingis la urbon Hohhot, ĉefurbo de la Interna Mongolio, kaj poste al Baotou en la 26a de junio. En Baotou ili vizitas la maŭzoleon de Genghis Khan (1162-1227), la parkon Saihantala -- ununura urb-stepo en Ĉinio kaj Baotou-an Muzeon, kaj renkontiĝas kun lokaj esperantistoj kaj Esperanto-lernantoj en mezlernejo kaj universitato, kie troviĝas E-kursoj kaj E-klubo. Post du-taga restado en Baotou ili trajne vojaĝos al la urbo Changsha.
Redaktoro: Liu Zijia