Financa forumo en Sanya
Ĉeestantoj en la forumo
De la 13a ĝis la 15a de decembro okazis en la hotelo Sheraton, Sanya en Hainan-provinco, Sanya-forumo pri financo kun la temo "restrukturado por esplori novan puŝforton por kresko".
La forumo, altnivela dialoga platformo por la neregistara kaj internacia financa kampo, kunaranĝita de la Ĉina Asocio por Internacia Amikeca Kontakto kaj la gazeto Caijing, celas puŝi internaciajn interŝanĝojn kaj kunlaborojn de ekonomia tekniko, diskuti por solvi gravajn problemojn kaj akceli bonan disvolviĝon de la monda ekonomio.
En ĝi ĉeestis eksa brita ĉefministro Tony Blair, eksa franca ĉefministro Dominique de Villepin, eksa unua vicĉefministro kaj financa ministro de Pollando Grzegorz Kolodko, eksa vicdirektoro de la Ĉina Komisiono de Disvolviĝo kaj Reformado Zhang Guobao, adjunkta administrista direktoro de la Internacia Mona Fondaĵo, kaj aliaj gvidantoj el la kampoj de politiko, komerco kaj scienco.
La ĉeestantoj diskutis pri mondaj defioj kaj kunlaboroj sub la krizo, serĉo de nova impulso por la kresko de la mondo, reformado kaj kresko de Ĉinio kaj novaj ekonomioj kaj aliaj makrostrategiaj demandoj, ankaŭ pri transformiĝo kaj elekto de entreprenoj, financa superrigardo kaj regado, konstruado de la kapitala merkato, kunfandiĝo kaj disvolviĝo de la ĉina kaj okcidenta kulturoj kaj aliaj atentataj temoj.
(Redaktoroj: Zhang Shuang kaj Liu Zijia)