Tianshan-monto de Ĉinio kaj ties Hani-terasoj enmetitaj en la liston de la Mondaj Heredaĵoj
Tianshan-monto 
Hani-terasoj
En la 37-a sesio de la Monda Heredaĵa Komitato, kiu okazis en Kamboĝo, Tianshan-monto en la Xinjiang-a Ujgura Aŭtonoma Regiono en nordokcidenta Ĉinio kaj Hani-terasoj en la provinco Yunnan en la sudokcidenta parto de la lando estis elektitaj en la liston de la Mondaj Heredaĵoj. Nun estas 45 mondaj heredaĵoj en Ĉinio, kiu sekvas Italion kaj fariĝas la dua granda heredaĵa lando en la mondo.
Hani-terasoj, kiel la unua heredaĵo nomita de iu nacimalplimulto de Ĉinio, reprezentas la kultivadan kulturon de la lando. Antaŭe, al la Hani-terasoj estis donitaj la honoro "Nacia Humideja Ĝardeno" de la Ĉina Arbara Administracio kaj tiu "Grava Agrikultura Heredaĵo en Globo" de la Organizo pri Nutraĵo kaj Agrikulturo sub la Unuiĝintaj Nacioj. Ĉijare ĝi sin enlistigis en la "liston de la gravaj naciaj kulturaj restaĵoj".
Redaktoroj : Zhang Shuang kaj Zhang Xiaotong